Puisi Bahasa Bali Tentang Ibu | Puisi Guru | Puisi Cinta | Puisi Kasih Sayang | Puisi Alam | Puisi Hujan | Puisi Pahlawan | Puisi Pendidikan | Perpisahan Sekolah |
Puisi Bahas Bali tentang Ibu
Ujan Bales
Ritatkala
Matan ai ne makere tuun
Katak dongkang
Macanda pada girang
Kelap-kelep di langite
Di gulem sane tebel
Yeh tukade maluab
Dini gumine peteng dedet
Basa Bali
Tan uning titiang ring karanan ipun,
Suksman titiange kategul antuk benang sutra,
Ngranjing manyusup tulang ngantos ka sumsum,
Sane dados bagian awak titiange.
Sareng maurip saking ayunan ngantos kelih,
Seduke ngipi, mamanah tur ngamedalang rasa,
Ring sajeroning basa ibu,
Manah titiange sampun kelih antuk cayane,
Kaborbor sukman titiange antuk cayane,
Titiang manggihin pribadin titiange,
Titiang magubugan ring masyarakat,
Terus masemetonan sareng sawitra,
Baktin titiang ring rerama nenten ja kirang,
Kasih-kinasih sareng alit-alite,
Sane encen kirang kapikayunin,
Titiang nyelipang raos anyar,
Anggen titiang payas sane cocok ring kala puniki,
Kapanggih rupanipun ngenyagang manah.
Olih : Suntari Pr
Tri Hita Karana
Tri Hita Karana
Srana papahayu jagat
Dresta luih patut kasungkemin
Parihyangan, palemahan, lan pawongan
Atur suksma, majeng krama wong Bali
Ngiring ajegang, anggen titi pangancan
Mangupadi rajeg Bali budaya luhur
Swastyastu, atur pangebaktin titiang
Dreda suci heneng heninging budi
Lungguh linggih Ida Hyang Paramakawi.
Olih : I.B. Rai Putra
Ngidem
Peteng karasayang manahe
Tan uning ring punapa-punapi
Tejan sang surya tan kacingak
Saantukan ngidem
Warna-warni warnan I bunga
Sane satata ngulangunin manah
Sami nenten kauningin
Saantukan ngidem
Ngideme ngranayang sengsara
Patigrapa patigrepe ngelarang kauripane
Tan sida ngruruh tetujon ne utama
Kedatang ngideme
Apanga galang deweke
Prasida uning ring angga
Uning ring sarira
Olih : Andre
Rerama
Nenten uning ipun ring pakewuh
Miara titiang kantos matuuh
Angkihan katohang
Nenten ngitungang kawaliang
Sangkaning rasa tulus
Ring kawentenan sentanane
Tan sida kagentosin
Rah manunggal ring angga
Rasa suksma kaaturang
Majeng ring sang Guru
Guru Rupaka kasengguh
I Meme I Bapa
Reramane sujati
Olih : Adi Andre
Puisi Bahas Bali tentang Cinta
“Buduh Aluh”
Gumi landuh
Ebuh uli aluh
Sing nyak tuyuh
Ulian buduh
Yen sing milu buduh, sinah pakewuh
Buduh kasub lobane murub
Kasub amah pisuh
Rusuh tuj jaruh
Eda tandruh
Tuah makejang ajak buduh
Ulian aluh
“Tresna Magantung”
Tresnane layu dimuncuk tunjunge putih
Tuh aking, tan payeh tan pagetih
Sawireh telagane enyat nyaretcet
Ulung ka pangkunge dalem
Ditu I enggung poleng mangedekin
Dadi melenan tanahe dini
Belig turmaning alid
Alid ulian getihe, ngendih
Ngahngah, nandang jengah
Tan sida nyuhjuh bulane
Engsut di carang kayune ligir
Nirdon saja
Tresnane magantung
Kaewerin olih idedalu
Ane lekud uling selagan batise
Milu mangiladin mata
Ngawinang manahe sayan lanyah
Galang kangin
Langité enu masaput sutra barak
Masepuh emas pakenyornyor
Ngaléncok di muncuk-muncuk kayuné
Nanging I Kecétrung suba manying mangényor
Matinggah di padiné kuning ngerinying
Ané masoca damuh mawastra selaka
Béh…
Kabilbil I Surya kapupungan
Kadundunin olih I Cerukcuk,uyut
Ngetaraang ebon kopiné maseduh
Di Kubun-kubun cariké
Tatkala petaniné matekap
Dini tiyang
Nyongkok padidi di pemaron jelingjingé
Kalangen ninggalin dauhé ené
I Lelakut Somi,manelektek tan makejepan
Mirib ia nyambatang,”ragané manyama ngajak tiyang,
Ngajak cariké,ngajak semengané ené
Nanging
Dini tiang niisang yéh mata
Di tungtunging munyin teluktaké,celekutan
Sawiréh pancorané kaengsutin plastik lan tain kucit
Yéhné itek malanyat tambis nyat
Batuné nungging nyeluing nyuun softéx
Lantas kija lakuna inyalian,i kakul lan i cueng?
Badah….
Buin kesep yén tuah sing resep
Yéhé ilang kakeberang ambu putih
Jelingjingé tuh cara anak ubuh
Cariké telah dadi umah
Subake?
Pakpak lubak di perpustakaan!
“Sikutang Di Awak”
Awak nu pada nyokor
Pragat makenying ulian atékor
Nyén lakar jebuhin
Awak nu tuna dikelus
Buka pitiké belus
Eda nagih dadi angin ngalilus
Awak enu saja engab
Eda nagih cara geruda ngabkab
Congah munyi,ngungkab tattwa
Nanging isiné patigadab
Dadi jatma tong dadi engsap
Metu inget tekén awak
Apang bisa nyikutang di awak
“Jelema Boya-Boya”
Boya ulian lengit
Mula nyaliné pengit
Payu ulian ngelamit
Wareg ulian gedeg demit
Boya ja kena bebédan
Dadi demen maméda
Demen ngulgul timpal
Demen takutin timpal
Ngadu siteng,tengal
Boya ja kedengang palekadan
Dadi kereng maboya ngandang
Mirib paileh gumi katibén baya
Jelemané demen né boya-boya
Lebihan campah
Munyi tawah-tawah
Krabak-krubuk tan paunduk
Ngéa ibuk
Cara kuluk
Papaloné bangras
Tatuwekné tan pedas
Liat sengap
Ambek rengas
Kereng tungkas
Lebihan ampah
Tuara resep gumi wayah
Ngadu begug,glebag-glebug
Ulian pelud
Baya silib teka rarud
Daya calig mangelurug
Ngaé gerubug
Ulian campah turmaning ampah
Mabakti Ring Pura
Marep hatur tiang mabakti
Ngaturang sembah majeng ring hyang widhi
Suara gentene kadi sunari
Lan suara kidunge saling pesautin
Pelinggih ring pura tegeh nyujuh langit
Barak putih selem tri warna
Malebur sami dados siki
Ang Ung Mang kara manunggil
Malambang Ong kara murti
Ngacep karahayuan gumi
Wangsa muah negari
Landuh rajeng kerta sami
Puisi Bahas Bali tentang Guru
Puisi 1
Pak Guru
Ngajahin di sekolah
Ngajahin iraga magending
Ngajahin mamaca
Ngajahin nulis
Pak Guru sabilang wai ngajahin
di mukak kelas
Pinaka model
Ngemaang conto
Bu Guru setata malajah
Malajah, malajah
Anggon ngajahin
Dumogi ngaenan murid sane maguna
Guru pinaka pahlawan tanpa tanda jasa
Sane Makarya anggen ngeduegan sisya-sisyane
Guru patut kagugu lan kaconto
De pesan lempas takenin Guru
Puntul-puntulan tiuk, yening sangihin pasti mangan
Guru
Suksma
Puisi 2
Ento wantah guru di sekolahan
Sane ngicen ajahan
Sane ngantenang kaweruhan
Maring truna bajang mangda wikan.
Yening idepang
Dot tiang ngarasayang
Dadi guru buin pidan
Ngamel daging warisan
Sakewanten yening saihang
Tusing pantes karasayang
Duaning tiang liunan kuang
Liu ane tonden pastika ngutsahayang
Lakar malajah sakayang-kayang
Apang sida nemu aptian
Dados guru pangajian.
Puisi 3
Guru…
Guru rupaka…
Guru swadyaya…
Guru wisesa…
Guru pangajian…
Kawastanin catur guru
Guru tulus tresna alit alite
Satata malajah
minakadi contoh
Tusing wenten tanda jasa
Santukan jasanyane tulus
antuk pendidikan ing umah, sekolah
Sang hyang widhi
Puisi Bahas Bali tentang Alam
Sira Ane Menahin?
sang surya sampun rauh
kumbange liang ngisep sari
kedise mekeber lan megending
luung lan asri
keto anake ngorahang
kupu kupune ngigel ajak timpalne
sekadi liang tanpe sebet
iraga sareng sami patut nyaga kelestarian alam iriki
yen suba benyah
sira ane menahin?
iraga!
uling cenik kanti kelih iraga iriki
ten patut yen iraga menyahin alam iriki
iraga patutne bhakti lan matursuksma ring alam iriki
Pakleling
Gumi suba wayah
Kadi rasa berag nandang layah
Tuara ada ne ngenah
makejang pada ngendah
Suba liu jani benyah
pegat tan pakah
kahyim ba goyah
enggal suba serah
Elingang jadma corah
karmane tan salah
anggen pawarah
minab sampun katah
lali ring natah
Puisi Bahas Bali tentang Pahlawan
Baliii
pulo sane cenik
pulo sane akeh antuk budaya
pulo sane akeh antuk pariwisata
budaya balme sampun kaloktah nng mancanegara
igel igelan miwah gamelan soroh budaya bali
pendet kecak miwah baris
soroh igel igelan bali
cerik kelih gede tua malajan igel igelan baline
pariwisata nng bali becik
pariwisata alam miwah bangunan
gunung, danu, pasisi wenten nng bali
gunung batur, danu batur, lan pasisi kuta
soroh tongos wisata nng bali
baline sugih
sugih budaya lan pariwisata
krama baline patut ngeletariang budaya baline
Puisi Bahas Bali tentang Pendidikan
Puisi 1
Sekolah..
Driki tiriang nuntun ilmu
Ilmu sane becik lakar anggon tiang bekel
Bekel urip titiang ring gumine
Sekolah..
Driki titiang polih timpal-timpal
Sane lsanget tulus ngyayangin titiang
Sane menimpalin titiang
Rikala sedih, utawi bagia
Sekolah..
Driki wenten guru-guru
Sane tulus ngajahin titiang
Ngemaang titiang ilmu
Sane sanget bermanfaat
Guna masa depan titiang
Puisi 2
Telung dasa tiban sane lintang
Dugase tiang cerik
Ngerasaang kewehne ngereh pendidikan
Masekolah
Ulian rerama ten ngelah
Tiang kapah masekolah
Yen pidan, tiang masekolah
Mejalan joh
Ngeliwatin tukad gede
Ketimpalin ujan, angin baret
Apang prasida ngamolihang pendidikan
Sane mangkin
Punapi gatra pendidikan ring Indonesia?
Napike pendidikane sampun merubah?
Napike pianak, cucu tiange
Prasida ngamolihang pendidikan sane becik?
Puisi
Sang surya sampun rauh
Kumbange liang ngisep sari
Kedise mekeber lan megending
Luung lan asri
Keto anake ngorahang
Kupu-kupune ngigel ajak timpalne
Sekjadi liang tanpe sebet
Iraga sareng sami patut nyaga kelestarian alam iriki
Yen suba benyah
Sira ane menahin?
Iraga!
Uling cenik kelih iraga iriki
Ten patut yen iraga menyahin alam iriki
Iraga patutune bhakti lan matursuksma ring alam iriki
Jagat Bali
Jagat Bali…
Patut iraga lestariang
Apang tusing jagate
Usak turin daki
Yening jagate usak
Jagate lakar keni blabar
Blabar punika
Banjir, tanah longsor, linuh
Tur sane tiosan
Olih krana keto
Iraga patut nyaga tur ngelestariang
Jagat Bali
Masekolah
Kruyuk…kruyuk munyin siape
Tekak..tekok munyin penginane
Metanda jagat sampun semeng
Sang Hyang Surya menyinarin jagate sami
Kedis-kedis sane menguci
Serase nundun tiang uling ngipi
Titiang metanggi, ngelantas manjus
Taler nyiapang buku-buku pepelajahan
Dina sane mangkin
Titiang jagi ngranjing ka sekolah
Apang polih kaweruhan
Nenten lali,
Mepamit saking guru rupaka
Apang iraga selamet rahayu
Puisi Bahas Bali tentang Kasih Sayang
Luwu
Dini ade luwu.
Ditu ade liu.
Ane ngae bengu.
Sing ade ngarungu.
Ah…, mare wawu.
Men jani enu.
Jelenjingane masi ngemu.
Margine milu beru.
Keweh yen ajak liu.
De nyen milu.
Awige sube dini ditu.
Sing masi ade rungu.
Ane jelek bengu, ento sube luwu.
Nyakitin nekang pikobet, masi luwu.
Ngusak gumi masi luwu.
Milu dadi luwu?
Puisi Bahas Bali tentang Hujan
Sunia Kanti
Rikala engseb Sanghyang Surya
Taru nyuti rupa dados méru
Sanghyang Candra pinaka Surya
Manyunarin sepi
Eningang kayun ngulati sujati
Majalaran sunia pinaka kanti
Ring payogan Sanghyang Saka
Sasikep
Poos beli raris olés
Ring selag alis adi,gelis
Poos panadi baos
Mangda adi anut-tinut
Ring baos beli
Layahé silap-silapang
Ring gidaté, adi
Mawastu kedat dahat
Layah pinaka ajah
Mangda adi tan obah
Satya ngayahin beli
Ngembeng eling adi
Waluya segara madu
Kecap sugiang amatra
Ring muan beli arupa
Panyupat mala baya
Sidi karya panumaya
Nyarétcét Panyingakan adi
Waluya segara pitu
Usapang sabilang buku
Pinaka paiket ruket
Sasikep beli sirep
Mangda dedep
Setata éling ring adi
Puisi Bahas Bali tentang Perpisahan Sekolah
Brahma Santi
Ulian pituduh,Ida kasengguh
Sang Sané Ngawi sami dumadi
Ala-ayu tuah pakardi Ida Sané Ngawerdi
Kasungkemin saider buana sami
Ulian paileh mabuat sungsut
Panumaya,pakolih lara dumadi
Tan kedeh las nuleb asiki
Pageh satinut titah Sang Sujati
Pinaka margi sampunang lali
Brahma kanti ngaluruh santi
Sikutang di Awak
Awak nu pada nyokor
Pragat makenying ulian atékor
Nyén lakar jebuhin
Awak nu tuna dikelus
Buka pitiké belus
Eda nagih dadi angin ngalilus
Awak enu saja engab
Eda nagih cara geruda ngabkab
Congah munyi,ngungkab tattwa
Nanging isiné patigadab
Dadi jatma tong dadi engsap
Metu inget tekén awak
Apang bisa nyikutang di awak
Buang Ngetel
Ulah laku ngaba buang
Ulah ningkang aluh ngangkang
Lebihan néngél ogél-ogél
Ngetél néltél
Cokcok kedis
Rejeng bakis
Kebas-kebis
Uyak nanah
Benyah lanyah
Nandang jengah
Ka gumi wayah
Ulian buang ngetél
Masekolah
Kruyuk…kruyuk munyin siape
Tekak..tekok munyin penginane
Metanda jagat sampun semeng
Sang Hyang Surya menyinarin jagate sami
Kedis-kedis sane menguci
Serase nundun tiang uling ngipi
Titiang metanggi, ngelantas manjus
Taler nyiapang buku-buku pepelajahan
Dina sane mangkin
Titiang jagi ngranjing ka sekolah
Apang polih kaweruhan
Nenten lali,
Mepamit saking guru rupaka
Apang iraga selamet rahayu
Buin Kesep Yén Tuah Sing Resep
Galang kangin
Langité enu masaput sutra barak
Masepuh emas pakenyornyor
Ngaléncok di muncuk-muncuk kayuné
Nanging I Kecétrung suba manying mangényor
Matinggah di padiné kuning ngerinying
Ané masoca damuh mawastra selaka
Béh…
Kabilbil I Surya kapupungan
Kadundunin olih I Cerukcuk,uyut
Ngetaraang ebon kopiné maseduh
Di Kubun-kubun cariké
Tatkala petaniné matekap
Dini tiyang
Nyongkok padidi di pemaron jelingjingé
Kalangen ninggalin dauhé ené
I Lelakut Somi,manelektek tan makejepan
Mirib ia nyambatang,”ragané manyama ngajak tiyang,
Ngajak cariké,ngajak semengané ené
Nanging
Dini tiang niisang yéh mata
Di tungtunging munyin teluktaké,celekutan
Sawiréh pancorané kaengsutin plastik lan tain kucit
Yéhné itek malanyat tambis nyat
Batuné nungging nyeluing nyuun softéx
Lantas kija lakuna inyalian,i kakul lan i cueng?
Badah….
Buin kesep yén tuah sing resep
Yéhé ilang kakeberang ambu putih
Jelingjingé tuh cara anak ubuh
Cariké telah dadi umah
Subake?
Pakpak lubak di perpustakaan!
Olih : E.Senaya, Karangasem
Tresna Magantung
Tresnané layu dimuncuk tunjungé putih
Tuh aking,tan payéh tan pagetih
Sawiréh telagané enyat nyarétcét
Ulung ka pangkungé dalem
Ditu I Enggung Poléng mangedékin
Dadi melénan tanahé dini
Belig turmaning alid
Alid ulian getihé, ngendih
Ngahngah,nandang jengah
Tan sida nyuhjuh bulané
Engsut di carang kayuné ligir
Nirdon saja
Tresnané magantung
Kaéwérin olih Idedalu
Ané lekad uling selagan batisé
Milu mangiladin mata
Ngawinang manahé sayan lanyah
Olih : E.Senaya, Karangasem
